علي فين كدة رايحين و سايبين الكلية ( اهداء للخريجين )

بسم الله الرحمن الرحيم

إهداء خاص منى إلى
جميع طلاب كليات الجامعه

أتمنى تنال إعجابكم

***

علي فين كدة رايحين و سايبين الكلية

لية بس ماشيين متخليكوا معايا شوية

طيب هقلكوا حاجة بس استنوا عليا

فاكرين الصحيان بدري ف الصبحية

و حضور محاضرات ف اللغة الالمانية

بعدها نتعب و ناخد بريك ف الكافتريا

او حتي نقف برة مع احلا صحبة شوية

و بعدين نرجع تاني كلنا نشاط و حيوية

و نسمع كمان لدكاترتنا بيوصونا وصية

وصيتهم اننا نقول رأينا بصراحة و حرية

عشان كدة ليهم مننا اجمل و احلا تحية

و اتحادنا شغال و عامل انشطة رياضية

وكمان نادي ادبي فيه معلومات ثقافية

و مواهب و اشعار وكمان كتابات ابداعية

و دريم و بني حسن بسفينة ف وسط المية

و نكمل يومنا و تعدي بينا الايام هي هي

و ف الاخر نلاقي الامتحانات علينا جاية

نزاكرلها كويس و نسهرلها لغاية الفجرية

و تعدي ايامها علينا صعبة و كمان قوية

و تعدي السنة و وراها كل السنين ديا

و نلاقي نفسنا خلاص بقي سايبين الكلية

و قتها بزعل انا عليكم و ربنا العالم بيا

بس اكيد كل واحد فيكم ليه كام امنية

عايز يحققهم و يعيش حياته عيشة هنية

ربنا يحقق كل الاماني دي ليكم و ليا

و يكتبلكم كمان وظيفة حلوة و مية مية

و ف الاخر حبي ليكم و سلامي و احلا هدية