ربنا يشفيها ويطمن قلب أهلا عليها.. وربنا يعجل بشفاء جميع
المصابين.. كان نفسي آخدها في حضني وأقول لها إن ربنا عمره ما يرضى بكده..
وإن مافيش دين في الدنيا يملا قلوب الناس حقد وكره.. وإن جميع الأديان تحض
على الرحمة والتسامح والحب.. وإن ربنا ما اداش حد تفويض يعاقب إنسان زيه
لمجرد إنه اختار طريقة تانية يعبده بيها.. أو حتى يكفر به.. وإننا كمان
بنقول إن الحساب والحكم على الناس حق ربنا لوحده.. نفسي أقول لها كل
الكلام ده.. بس ياترى حتصدقني بعد اللي شافته؟ يارب أهالي اصحابها
المسلمين يوصوا أولادهم يفهموها الكلام ده يمعاملتهم ليها.. يارب يقولولها
يوم عيدها كل سنة وانتي طيبة، ويزوروها عشان يعرفوها الفرق بين الإسلام
وبين اللي عملوا فيها كده.
كلامها البريء عن علاقتها الجميلة باصحابها الصغار، وعن الكبار اللي بيكرهوا بعض عصر قلبي..
موضوع: رسالة من طفلة مصابة فى أحداث كنيسة اسكندرية للشعب المصرى 
